Koronavirus: SHBA ndalon urgjent përdorimin e hidroksilklorinës

Përdorimi urgjent i ilaçit anti-malarie hidroksilklorina si një trajtim për koronavirusin është tërhequr nga Administrata e Ushqimit dhe Barnave e SHBA (FDA).

FDA tha që provat e reja klinike kanë zbulur se nuk ka më asnjë arsye të besohet se ilaçi anti-malarie hidroksilklorina lufton koronavirusin.

Presidenti Donald Trump për një kohë të gjatë ka promovuar me këmbëngulje përdorimin e hidroksilklorinës si një trajtim për Covid-19.

Në mars, FDA urdhëroi përdorimin urgjent të drogës për disa raste të rënda. Por të hënën, agjensia tha se studimet klinike kishin sugjeruar që hidroksilkroina ishte joefektive në trajtimin e virusit vdekjeprurës dhe nuk arriti të parandalojë infeksionin tek të infektuarit.

Duke iu përgjigjur vendimit të FDA-së, Z. Trump tha se ai më parë e kishte marrë ilaçin në mënyrë parandaluese pa efekte anësore.

“Unë e mora atë dhe u ndjeva mirë. Nuk mund të ankohem e mora dy javë dhe jam këtu, këtu jam”, u tha ai të hënën gazetarëve.

Trump u shpreh se shumë njerëz i kishin thënë se kishin shpëtuar prej këti ilaçi. Por studimi i botuar në “The Lancet” ka zbuluar se ky ilaç ka rritur problemet e zemrës në disa pacientë dhe ka patur efekte anesore.

Rezultatet bënë që Organizata Botërore e Shëndetit (OBSH) të ndalojë gjykimet për ilaç.

Sidoqoftë, “The Lancet” më pas tërhoqi studimin kur u zbulua se kishte mangësi serioze dhe OBSH ka rifilluar gjykimet e saj të reja për këtë ilaç.