Ministrja e Shëndetësisë ne Britani dhe deputetja konservatore Nadine Dorries është diagnostikuar me koronavirus, raporton BBC.
Dorries, deputetja e parë që rezultoi pozitive, tha që ajo kishte marrë të gjitha masat e këshilluara pasi kishte zbuluar dhe ishte vetë-izoluar në shtëpi.
Daily Mail raporon se ajo ka takuar qindra njerëz në Parlament gjatë javës së kaluar dhe mori pjesë në një pritje edhe me Boris Johnson.
Testet konfirmuan mbrëmë se 62-vjeçarja kishte virusin dhe ajo tani është në izolim dhe thuhet se po shërohet.
Zyrtarët po gjurmojnë të gjithë me të cilët ka qenë në kontakt që nga marrja e virusit, përfshirë deputetët. Si ish-infermiere, Dorries ka luajtur një rol kryesor në hartimin e planeve për të trajtuar virusin.
Ndërkohë në Britani janë shënuar gjithsej 382 raste dhe 6 persona kanë vdekur. Personi i fundit që vdiq ishte një burrë rreth të 80-ve, me probleme të meparshme shëndetësore.