Kryeministri francez: Jemi në luftë

“Jemi në luftë, jo në një luftë konvencionale, por sidoqoftë në një luftë dhe mund të ketë edhe pasoja”, deklaroi kryeministri francez, Manuel Valls.

Deklaratën e bëri gjatë një ceremonie përkujtimore në Nisë për viktimat e atentatit terrorist të së enjtes së kaluar, ku humbën jetën 84 persona, ceremoni që pati edhe tension në momentin e mbërritjes dhe të largimit të shefit të qeverisë franceze.

”E kam thënë edhe më parë se do të kemi të tjera viktima”, theksoi ai për televizionin BFM/TV.

”Ftoj Francën të mbetet e bashkuar sepse pikërisht këtë nuk duan terroristët. Franca do të fitojë kundër ISIS-it”, shtoi Valls