Kryeministri i Armenisë jep dorëheqjen

Hovik Abrahamyan dha dorëheqjen sot nga posti i kryeministrit për t’i hapur rrugën krijimit të një qeverie koalicioni të njoftuar nga presidenti i vendit, Serzh Sargsyan, gushtin e kaluar.

Mes shkaqeve të krizës politike në Armeni ishte edhe sulmi, në mes të korrikut të kaluar, kundër një kazerme policie të Erevanit nga një komando.

Grupi i armatosur, i lidhur me një udhëheqës të opozitës, mori peng disa persona.

Në mesin e pengjeve ndodhej edhe zëvendësshefi i policisë kombëtare.

Grupi komando kërkoi lirimin e liderit të opozitës dhe dorëheqjen e qeverisë.