Kryeministri malazes-Beogradit: Me qetësi!

Pas deklaratave të presidentit serb Tomislav Nikoliç për shtetin e Malit të Zi, duke qenë se e ka konsideruar atë si lodër dhe se do ta humbë pavarësinë me vetëdije duke i pranuar të gjitha kombinacionet për t’u bërë anëtare e NATO-s, ka reaguar kryeministri malazez.

Milo Gjukanoviç  tha sot se është i befasuar nga presidenti serb dhe deklaratat e tij, që a ii kishte lexuar si pjesë paraprake e një interviste që Nikoliç dha për Sputnik.

Gjukanoviç me një dozë dyshimi mbi intervistën ka thënë se po të jetë ashtu siç ka lexuar, do të jetë mjaft i befasuar dhe se nuk pranon asnjë ton të lartë nga Beogradi.

Ai më tej ka thënë se Mali i Zi do të vazhdojë integrimin në BE dhe NATO.