Kryeministrja italiane, Giorgia Meloni do të vizitojë sot të plagosurit nga një shofer me probleme të shëndetit mendor, i cili përplasi këmbësorët në qendër të Modenas, duke anuluar kështu një udhëtim të planifikuar për në Qipro.
Shoferi, një italian me origjinë marokene, drejtoi makinën e tij ndaj një turme në qytetin verior italian të Modenas duke plagosur tetë persona, katër prej të cilëve rëndë, tha kryebashkiaku Massimo Mezzetti.
Mezzetti u tha gazetarëve në një konferencë për shtyp se një turiste gjermane ishte midis të plagosurve rëndë si dhe një polak.
Sulmi ndodhi pasditen në qendrën historike të Modenës, ku automjeti hyri me shpejtësi në një rrugë në zonën antike të qytetit.
Sipas kryebashkiakut, shoferi u ngjit qëllimisht në trotuar me shpejtësi të lartë dhe goditi një grup këmbësorësh.
”I dyshuari më pas u përpoq të ikte, duke lënë makinën ndërsa mbante një thikë”, raportuan disa dëshmitarë.
Kalimtarët e ndoqën burrin dhe arritën ta mposhtnin.
Ai u arrestua dhe u mor në pyetje nga policia.
ATSH