Ky vend po lufton koronavirusin duke ndarë burrat nga gratë

Ndryshe nga gjithë vendet e tjera të botës, Panama-ja po ndjek një tjetër strategji për të parandaluar përhapjen e koronavirusit. Ndarjen sipas gjinisë.

Duke nisur që dje (1 prill) vetëm gratë do të mundin të dalin për të bërë pazaret në tre ditë të javës: të hënën, të mërkurën dhe të premten.

Burrat do të mund të dalin për të rregulluar shkurtimisht punët apo bizneset e tyre ditën e premte, të enjte dhe të shtunave.

Të dielave duhet të rrinë të gjithë nëpër shtëpia. Masat e marra nga qeveria do të zgjasin të paktën 15 ditë. Kjo lloj strategjie duket se ia ka bërë më të thjeshtë autoriteteve të vendit të kenë nën kontroll dhe të limitojnë numrin e njerëzve që dalin në publik.

Para ndarjes sipas gjinive, edhe aty qeveria u kërkoi të gjithë qytetarëve të qëndrojnë brenda dhe të dalin vetëm kur kanë emergjenca ose për të blerë ushqime. Të alarmuar nga numri i njerëzve të pandërgjegjësuar ndaj kësaj, ata vendosën të vendosin rregulla të reja për javët në vijim. Disa ditë mund të lënë shtëpitë vetëm gratë e ndërsa tre ditë të tjera vetëm burrat.

Koha në dispozicion për të bërë pazare dhe kryer punët e nevojshme është dy orë në ditë. Deri tani në Panama ka 1075 raste të konfirmuara dhe 27 vdekje, por ndonëse numër jo alarmant krahasuar me vendet e tjera, masat janë të rrepta.

Burimi: CNN