Lëndoi dy policë në Gjermani, arrestohet azilanti nga Maqedonia

Sipas burimeve nga policia në Majnhajm, është paralajmëruar se 39-vjeçari azilkërkues nga Maqedonia ka sulmuar dy gra. Në tentativën e policisë për të ndaluar sulmuesin, njëri nga policët ka marrë lëndime serioze trupore nga i arrestuari, ndërsa një polic tjetër ka kaluar me lëndime më të lehta.

Arsyet e sulmit kanë qenë tensionet mes familjes së sulmuesit dhe dy grave të cilat i ka sulmuar. Gjatë kohës së ndërhyrjes së policisë, i arrestuari gjatë gjithë kohës ka kërcënuar policët.

Gjithë pjesëmarrësit në këtë incident presin vendim të Qeverisë së Gjermanisë për emigrantët, nëse kërkesa e tyre do të aprovohet për azil, por sipas rregullave të reja sulmuesi nga Maqedonia brenda një kohë të shkurtër mund të kthehet në shtetin amë.