SHBA është akuzuar për ridrejtimin e 200 mijë maskave të destinuara për përdorim në Gjermani, në një veprim të dënuar si “pirateri moderne”. Qeveria lokale në Berlin tha se dërgesa e maskave të bëra nga SHBA u “konfiskua” në Bangkok.
Maskat FFP2, të cilat u porositën nga forca policore e Berlinit, nuk e arritën destinacionin e tyre, thuhet nga organet zyrtare. Andreas Geisel, Ministri i Brendshëm i Berlinit, tha që maskat presupozohhet se ishin devijuar për në SHBA.
Ndërmarrja amerikane që bën maskat, 3M, është ndaluar të eksportojë produktet e saj mjekësore në vende të tjera, sipas një ligji të epokës së Luftës në Kore, të thirrur nga Presidenti Donald Trump. Të Premten, Trump tha se ai ishte duke përdorur Aktin e Prodhimit të Mbrojtjes për të kërkuar që firmat amerikane të sigurojnë më shumë pajisje mjekësore për të përmbushur kërkesën e brendshme.
“Ne kemi nevojë për këto sende menjëherë për përdorim vetjak të brendshëm. Ne duhet t’i kemi ato,” tha ai në konferencën e përditshme të Task Force Coronavirus në Shtëpinë e Bardhë. Ai tha se autoritetet amerikane kishin marrë kujdestarinë e rreth 200 mijë respiratorëve N95, 130 mijë maska kirurgjikale dhe 600 mijë doreza.Por ai nuk specifikoi se nga ku erdhën këto dërgesa në SHBA.
Geisel tha që devijimi i maskave nga Berlini arriti në një “akt piraterie moderne”, duke i kërkuar administratës Trump t’i përmbahet rregullave të tregtisë ndërkombëtare. “Kjo nuk është mënyra se si të trajtoni partnerët transatlantikë,” tha ministri. “Edhe në kohë krize globale, nuk duhet të ketë metoda të Wild-West (egra-perëndimore).”(BBC)
/ SCAN