“Luftë” në Çikago, 11 të vrarë

Të paktën 11 persona kanë gjetur vdekjen gjatë fundjavës në qytetin e Çikagos në Shtetet e Bashkuara, ndërsa më shumë se 60 vetë u qëlluan gjatë dy ditëve.

Policia ka kërkuar ndihmë më të madhe për të luftuar dhunën dhe përdorimin e armëve.

Shumica e të shtënave lidhen me banda të organizuara.

“Nuk do të humbasim”, u tha gazetarëve të dielën shefi i policisë, Fred Waller.

“Ne kemi nevojë për më shumë ndihmë nga sistemi ynë gjyqësor. Ne kemi nevojë për më shumë ndihmë nga partnerët tanë federalë dhe ne po e marrim atë,” shtoi ai.

Shumica e të shtënave ndodhën të dielën ku u qëlluan 30 persona mes mesnatës dhe orës 03:00.

Shumica e incidenteve thuhet se ndodhën në anët jugore dhe perëndimore të Çikagos.