Mallkimi/ Zbulohen detajet tronditëse, ja pse vdiq mbesa 22-vjeçare e Kennedy (Foto)

Pas vdekjes tragjike të Saoirse Kennedy Hill kanë dalë në dritë detaje tronditëse. Sipas mediave të huaja, mbesa e Robert F. Kennedy’s dyshohet se ka vdekur si pasojë e një mbidoze droge, në shtëpinë e familjes së saj në Cape Cod.

22-vjeçarja thuhet se ka pësuar një arrest kardiak, teksa ishte në kompleksin ku jeton gjyshja e saj 91-vjeçare, Ethel Kennedy.

Në një raport të mëparshëm mjekësorë, e reja kishte pranuar se vuante nga depresioni dhe se nuk do të arrinte ta kalonte dot kurrë atë.

Saoirse Kennedy është e fundit në një seri tragjedish që goditën familjarët e saj.

Gjyshi i saj Robert Kennedy, ish-prokuror i përgjithshëm i SHBA-ve, u vra në vitin 1968 gjatë fushatës si kandidat për president.

8 vjet më herët, vëllai i tij, presidenti John Kennedy u vra në një atentat në Dallas. Aksidentet ajrore i morën jetën motrës së tij, Ketlin Kennedy në vitin 1948 dhe djalit të tij John Kennedy Junior në vitin 1999.

Në total janë 15 anëtarë të familjes Kennedy që kanë humbur jetën në moshë në moshë të re si pasojë e aksidenteve dhe sëmundjeve të rënda.