Mbi 10 mijë viktima nga i nxehti në Europë

Vala rekord e të nxehtit që përfshiu Evropën në fund të muajit qershor shkaktoi mbi 10 mijë vdekje më shumë se zakonisht brenda vetëm një jave në 27 vende, sipas të dhënave të rrjetit EuroMOMO.

Mbi 9 mijë prej viktimave ishin persona mbi moshën 65 vjeç, të cilët konsiderohen grupi më i rrezikuar nga temperaturat ekstreme. Ekspertët paralajmërojnë se i nxehti i lartë mund të shkaktojë goditje termike dhe të përkeqësojë sëmundjet e zemrës dhe të frymëmarrjes.

Sipas shkencëtarëve, intensiteti i kësaj vale të të nxehtit lidhet ngushtë me ndryshimet klimatike të shkaktuara nga aktiviteti njerëzor, të cilat po i bëjnë episode të tilla gjithnjë e më të shpeshta dhe më intensive.