Mbi 20.5 mln amerikanë humbën punën e tyre gjatë muajit prill, bilanci më i lartë që prej 1939

E gjithë ekonomia botërore ndodhet në gjendje të vështirë pas situatës së krijuar nga koronavirusi.

Shtetet janë detyruar të izolohen dhe të mbyllin të gjitha aktivitetet ekonomike për të ndaluar përhapjen e COVID-19.

Por izolimi gjatë muajit prill ka qenë një goditje e fuqishme në ekonomi. Mbi 20.5 milion shtetas amerikanë knëa humbur vendet e tyre të punës gjatë këtij muaji.

Të dhënat e publikuara nga Byroja e Punës dhe Statistikave tregojnë se kjo është rënia më e madhe e vendeve të punës që prej vitit 1939.

Madje këto statistika janë më shumë se dyfishi i atyre gjatë krizës financiare të vitit 2008 kur humbën punën mbi 8.7 milion persona.

Të gjithë që e kanë jetuar atë kohë e dinë shumë mirë se rimëkëmbja do të kërkojë shumë kohë, sidomos pas një krize të tillë.