Mesazhi i Trump për Krishtlindje: Urime dhe akuza për “fundërrinat e majta”

Ish-Presidenti amerikan Donald Trump shfrytëzoi periudhën e festave të Krishtlindjeve për të përcjellë urimet e tij, por nuk la pas dore as kritikat e ashpra ndaj kundërshtarëve politikë. Në një postim të bërë në platformën e tij sociale, Truth Social, Trump uroi qytetarët amerikanë, por adresoi edhe atë që ai e quajti “fundërrina e së majtës radikale”.

Në mesazhin e tij, Trump shkroi: “Gëzuar Krishtlindjet të gjithëve, përfshirë edhe fundërrinat e së majtës radikale që po bëjnë gjithçka që është e mundur për të shkatërruar vendin tonë, por po dështon keq.” Ai theksoi se nën udhëheqjen e tij nuk kishte më kufij të hapur, burra në sportet e grave, promovim të “transgjinorëve për të gjithë” apo zbatim të dobët të ligjit.

Trump shpesh e përdor termin “e majta radikale” për të përfshirë jo vetëm figurat progresiste, por edhe demokratët e moderuar dhe kundërshtarët e tjerë politikë. Më tej, në postimin e tij, ish-presidenti renditi arritjet e pretenduara gjatë mandatit të tij.

Ai përmendi një treg aksionesh dhe 401K rekord, shifrat më të ulëta të krimit në dekada, mungesën e inflacionit dhe një PBB prej 4.3%, dy pikë më lart se parashikimet. Trump pohoi se tarifat kishin sjellë triliona dollarë në rritje dhe prosperitet, si dhe sigurinë kombëtare më të fortë të regjistruar ndonjëherë, duke shtuar se Amerika ishte respektuar sërish, “ndoshta si kurrë më parë”.