Një 22 vjeçare egjiptiane që jetonte në Milano është dëbuar nga Italia për terrorizëm.

Fatma Ashraf Shaëky Fahmy, e cila ishte me dokumenta të rregullta në vendin fqinj, ishte pa punë prej disa kohësh.

Sipas Digos ajo ishte në kontakt me një pjesëtar të Isis, i cili në fillim i kishte kërkuar ti bashkohej atij në Siri dhe duke pasur vështirësi për planin e udhëtimit drejt Sirisë, ajo ka thënë se ishte e gatshme për të bërë një atentat në Itali, por pa marrë një përgjigje prej tij.

Vajza jetonte në lagjen Gratosoglio, në periferi në Milanos, së bashku me prindërit dhe tre vëllezërit me të vegjël.

Të dukshme kanë qenë për fqinjët pikëpamjet e saj radikale. Në 2013 ajo kishte ndryshuar mënyrën e veshjes së saj, ndërsa në periudhën e aktivitetit gruaja mbante një burka të zi dhe doreza të zeza gjithashtu.