Mjekët kinezë mbërritën në Milano

Për ti ardhur në ndihmë të mjekëve italianë, kanë mbërritur në aeroportin e Malpensën mjekët e parë nga Kina që do të ndihmojnë për përballimin e situatës së rëndë nga koronavirusi. Bëhet fjalë për 7 doktorë dhe 3 teknikë e infermierë nga Shangai që ishin nisur disa ditë më parë. Bashkë me ta mbërritën dhe 20 tonë materiale mjekësore të nevojshme për pandemin e Covid-19. Në momentin e mbërritjes, ekspertë kinezë shfaqën një parullë ku shkruhej “Grupi i ekspertëve kinezë kundër epidemisë në Itali”. Ata u pritën në aeroport nga zv/presidenti i rajonit të Lombardisë, Fabrizio Sala.