NATO: Putin ka kryer investim të madh në ushtri

Komandanti i Forcave Aleate të NATO-s në Europë, Gjenarali Philip Breedlove, tha se aleanca duhet të rritë praninë ushtarake në Europën Lindore dhe vendet Baltike kundër kërcënimit të Rusisë.

Gjenerali amerikan për televizionin estonez ERR tha se presidenti rus Vladimir Putin ka një ushtri të fuqishme. Breedlove theksoi se ushtarët rusë e kanë treguar veten në Siri dhe në Ukrainë.

“Putin në pesë vitet e fundit ka kryer një investim të madh në ushtri. Gjithashtu Rusia ka forcë dhe kapacitetet raketore. Anijet dhe nëndetëset janë të pajisur me raketa”, tha Breedlove.