Drejtori i përgjithshëm, Tedros Adhanom Ghebreyesus është shprehur se pandemia e koronavirusit është urgjenca më e rëndë globale me të cilën është përballur Organizata Botërore e Shëndetit.
“Vetëm me respektimin e rreptë të masave shëndetësore, nga mbajtja e maskave deri në shmangien e turmave, bota do ta mundë atë, tha Tedros në një konferencë virtuale në Gjenevë.
“Aty ku ndiqen këto masa, numri i rasteve ulet. Aty ku nuk janë, rastet rriten, “tha ai, duke përgëzuar punën e bërë në Kanada, Kinë, Gjermani dhe Korenë e Jugut për kontrollin e epidemisë.
Ndërsa, kreu i programit të urgjencave të OBSH-së, Mike Ryan, tha se shumë më e rëndësishme sesa përkufizimet e valëve të dyta, pikëve të dytë dhe grupimeve të lokalizuara, është nevoja që kombet në të gjithë botën të vazhdojnë me implementimin e masave kufizuese si dhe distancës fizike.
“Ajo që është e qartë është se presioni ndaj virusit ul numrat. Lëshoheni këtë presion dhe më rastet do vijojnë të rriten “tha ai, duke pranuar, se është praktikisht e pamundur që kombet të mbajnë kufijtë mbyllur për të ardhmen e parashikueshme.
Ndërsa Tedros theksoi se përparësi mbetet në shpëtimi i jetëve.
“Ne duhet të shtypim transmetimin, por në të njëjtën kohë duhet të identifikojmë grupet e cenueshme dhe të shpëtojmë jetë, duke mbajtur nivelet e vdekjeve nëse është e mundur në zero, nëse jo në minimum,” tha ai, duke përgëzuar Japoninë dhe Australinë në këtë drejtim.”