OKB urdhëron: ISIS, t’i godasim në zemër terroristët

Këshilli i Sigurisë së Organizatës së Kombeve të Bashkuara ka lëshuar një sinjal bashkimi në luftën kundër ISIS.

Kështu, 15 anëtarët pjesëmarrës kanë aprovuar njëzëri zgjidhjen e kërkuar nga Franca për luftimin e xhihadizmit.

Franca ftoi vendet anëtare që të dyfishonin forcat për parandalimin dhe luftimin e terrorizmit.

“Ajo që bëri ISIS ndaj Francës ishte akt lufte. Por ata nuk sulmuan vetëm Parisin, por gjithë botën. Në ditët e ardhshme do të trefishojmë sulmet ndaj ISIS. Do t’i godasim në zemër”, tha ambasadori francez Delattre.