Osmani takon Mitsotakis: Kosova dhe Greqia të intensifikojnë raportet bilaterale

Në kuadër të Samitit të krerëve të shteteve të Evropës Juglindore që po mbahet në Greqi, presidentja e Kosovës, Vjosa Osmani është pritur nga kryeministri Kyriakos Mitsotakis.

Osmani ka vlerësuar ngritjen e vazhdueshme të raporteve në mes të Kosovës dhe Greqisë dhe takimet e shtuara të liderëve të dy vendeve tona.

“Ekonomia, tregtia e turizmi janë disa nga fushat më të rëndësishme në fokus të bashkëpunimit kosovaro-grek, për të cilat si krerë shtetëror po punojmë bashkërisht që t’i avancojmë, për t’i përafruar edhe më shumë dy popujt tanë dhe bizneset tona”, ka thënë Osmani.