”Pa britanikët, sot amerikanët do flisnin frëngjisht”, Macron për deklaratën nga Mbreti: Do të ishte shumë elegante

Gjatë një darke shtetërore në Shtëpinë e Bardhë, Mbreti Charles III bëri një koment me humor, teksa iu drejtua Donald Trump. Ai sugjeroi se nëse britanikët nuk do të kishin kolonizuar Amerikën e Veriut, sot amerikanët mund të flisnin frëngjisht, një batutë që shkaktoi të qeshura në sallë.

Deklarata nuk kaloi pa vëmendje as në Francë. Emmanuel Macron reagoi në rrjetet sociale duke shpërndarë videon e momentit dhe duke komentuar me ironi: “Kjo do të ishte elegante”.

Mbreti Charles u ndal edhe te ndikimet historike britanike dhe franceze në SHBA, duke përmendur faktin që shumë emra vendesh reflektojnë trashëgiminë e këtyre dy fuqive evropiane.

Ai e lidhi komentin e tij edhe me një deklaratë të mëparshme të Trump, i cili kishte thënë se pa SHBA-në, Evropa sot mund të fliste gjermanisht, duke e kthyer kështu momentin në një shkëmbim batutash historike dhe diplomatike.