Papa Françesku: Refugjatët, ‘pushtim arab’ i Europës

Papa Françesku, duke komentuar krizën e refugjatëve në Europë, tha se “mund të flasim për një pushtim arab”. Kështu citon gazeta “Osservatore Romano”.

“Ky është një fakt social”, tha Papa.

Komentet e tij u bënë pas një takimi me anëtarët e lëvizjes sociale franceze Poissons Roses në rezidencën papale, Santa Marta.

“Sa pushtime ka njohur Europa në rrjedhën e historisë së saj, por ajo ka ditur gjithmonë që t’i tejkalojë këto situata, për t’u rritur mes shkëmbimit të kulturave”.

Papa bëri thirrje që të ketë një vrull të ri drejt bashkimit të kontinentit.

Europa duhet të lërë pas egoizmat nacionalë dhe lojërat politike, tha gjithashtu Papa.

Sipas tij, duhet shtuar më shumë vetëdija për rrënjët kulturore.

Papa bëri thirrje edhe që të përqendrohet më shumë vëmendja në promovimin e familjes, ndërkohë që shkalla e lindjeve në vende si Spanja apo Italia është shqetësuese.