Papa në Armeni, Azerbajxhan dhe Gjeorgji, vende me shumicë myslimane

Papa Françesku do të vizitojë Azerbajxhanin dhe Gjeorgjinë në vjeshtë, thuhet në njoftimin e Vatikanit një ditë pasi luftëtarët në Nagorno-Karabakh kanë pranuar të pushojnë luftën që ka vrarë dhjetëra vetë në javën e fundit.

Vatikani nuk e përmend konfliktin siç njoftoi në udhëtim e planifikuar nga 30 shtator deri më 2 tetor 2016. Ka shumë pak katolikë në të dyja vend. Azerbajxhani është rreth 95% me popullsi myslimane, ndërsa mbi 80% e gjeorgjianëve janë ortodoksë. Azerbajxhani është përshkruar shpesh nga analistët si vendi më laik mysliman. Vatikani njoftoi muajin e kaluar vizitën e Papës me 24-26 qershor në Armeni, ku përsëri shumë pak katolikë jetojnë dhe mbi 90% e popullsisë janë të krishterë ortodoksë oriental.

BE-ja ka qenë mjaft e padukshme në përpjekjet diplomatike për të shmangur një përshkallëzim. Si rezultat, Rusia ka rritur profilin e saj si ndërmjetëse, edhe pse ajo ka një paragjykim të fortë për aleatin e saj Armeninë.

Gjeorgjia ka frikë se në rast të konfliktit të madh ushtarak, Rusia do të ketë nevojë për të dërguar trupa dhe armatime në të gjithë territorin e saj. Udhëtimi i Papës mund të shqetësojë Turqinë nëse Papa Françesku e përshkruan përsëri masakrën e armenëve të krishterë në Luftës së Parë Botërore si “gjenocid”.

Burimi: Euractiv/Përshtati: Redjon Shtylla