Parlamenti Evropian po përgatitet të ngrejë dy qendra vaksinimi në mjediset e tij për të bërë vaksinën për të gjithë eurodeputetët, stafin dhe asistentët që janë mbi 65 vjeç ose në rrezik, Politico.
“Shërbimet e Parlamentit po punojnë për të ngritur një qendër vaksinimi në Bruksel, e cila do të miratohet nga autoritetet shëndetësore belge dhe do të projektohet për të optimizuar sigurinë e njerëzve”, – thuhet nw shënimin e lëshuar të mërkurën nga Klaus Welle, sekretari i Parlamentit.
Një qendër e parë është planifikuar të funksionojë në mars, kur Belgjika kalon në “fazën 1b” të përhapjes së vaksinimit.
Vaksinat do të jenw në dispozicion për deputetët dhe personelit mbi 65 ose mbi 45 vjeç nëse ata kanë kushte të mëparshme të tilla si “mbipesha, diabeti, hipertensioni, sëmundjet kardiovaskulare, mushkëritë, veshkat dhe mëlçia ose kaceret.
Welle përmendi gjithashtu diskutimet e vazhdueshme për t’u siguruar që personeli në Strasburg – selia zyrtare e Parlamentit – dhe në Luksemburg, ku ndodhen zyra të tjera, të kenë qasje në vaksinime.
Qendra e dytë me qendër në Bruksel do të instalohet si pjesë e masave të solidaritetit nga Parlamenti dhe do të jetë në dispozicion të njerëzve në rajonin e Brukselit.
“Bisedimet po vazhdojnë gjithashtu me rajonin e Brukselit për të siguruar hapësirë shtesë për qendrat e tyre të vaksinimit në mjediset e PE,” – lexohet në shënimin e Welle.