Pas 2 vitesh, presidenti Zelenskyy lajmëron fundin e luftës: Ne kemi gati planin e fitores kundër Rusisë

Lufta ruse në Ukrainë nisi më 24 shkurt dhe presidenti i Ukrainës, Volodymyr Zelenskyy ka bërë të ditur se fundi i luftës do të vijë brenda vitit 2025. Në një fjalim nga Kroacia, lideri i Ukrainës kërkoi më shumë ndihma për forcimin e industrisë së mbrojtjes dhe kërkoi mbështetjen e aleatëve

“Situata në fushën e betejës krijon një mundësi për të bërë këtë zgjedhje, një zgjedhje për veprim vendimtar për t’i dhënë fund luftës jo më vonë se viti 2025. Ne po llogarisim në udhëheqjen e Presidentit Joe Biden.

Ne mbështetemi në hapat e fortë dhe të mençur të Britanisë, Francës, Gjermanisë dhe Italisë për të sjellë siguri dhe paqe në Evropë. Për ne, ky është një plan fitoreje. Për secilin nga vendet tuaja, është një plan për stabilitet të besueshëm.

Kur plani të zbatohet plotësisht, Rusia do të humbasë aftësinë për të na kërcënuar, për të kërcënuar Evropën. Për fat të keq, stabiliteti po bëhet një burim i rrallë. Kështu që çdo burim sigurie për njerëzit, çdo burim i paqes së vërtetë në marrëdhëniet ndërkombëtare është i çmuar”, tha Zelensky.