Pas 70 vitesh, SHBA-ja ekzekuton një grua përmes një injeksioni vdekjeprurës

Shtetet e Bashkuara të Amerikës kanë kryer ekzekutimin e parë të një gruaje të dënuar me vdekje në gati shtatë dekada. Lisa Montgomery, 52-vjeç, u ekzekutua përmes një injeksioni vdekjeprurës në shtetin e Indianas, më 13 janar.

Montgomery u dënua në vitin 2007 në shtetin e Misurit për rrëmbimin dhe mbytjen e një gruaje tjetër që ishte tetë muaj shtatzënë në atë kohë. Ekipi ligjor i Montgomery ka thënë se ajo vuan nga sëmundje mendore.

Ekzekutimi shënoi herën e parë që qeveria amerikane zbatoi dënimin me vdekje për një të burgosur femër që nga viti 1953. Ekzekutimet federale në Shtetet e Bashkuara ishin ndaluar për 17 vjet përpara se presidenti në largim, Donald Trump, vitin e kaluar të urdhërojë rifillimin e tyre.

Kjo është hera e parë që qeveria federale kreu më shumë ekzekutime sesa të gjitha shtetet e SHBA-së së bashku. Presidenti i zgjedhur, Joe Biden, i cili do të inaugurohet më 20 janar, pritet të ndërpresë ekzekutimet federale.