Presidenti rus Vladimir Putin ka mbështetur krijimin e një “enciklopedie ruse” në internet me “informacion të besueshëm” për të zëvendësuar Wikipedia-n.
“Është më mirë ta zëvendësoni atë me një enciklopedi të re të madhe ruse në formë elektronike, këtu do të jetë në çdo rast informacion i besueshëm në një formë të mire dhe moderne”, është shprehur Putin gjatë një takimi të Këshillit të Gjuhëve Ruse të mbajtur në Kremlin.
Një projektligj i nxjerrë në shtator nga Ministria për Zhvillimin Dixhital, Telekomunikacionin dhe Masivin e Mediave kishte përforcuar tashmë idenë e një enciklopedie ruse në internet, duke propozuar që të ndaheshin 24 milion euro nga buxheti i 2020-2021.
Komentet e Putinit vijnë një javë pasi hyri në fuqi “Ligji për Sovranin e Internetit” duke i lejuar autoritetet ruse të shkëpusin përdoruesit e vendit në internet nga rrjeti global.
OJQ-të kanë kritikuar rëndë legjislacionin e ri për shkeljen e standardeve të të drejtave të njeriut duke përfshirë lirinë e shprehjes dhe shtypin.