Elon Musk ka bërë një hap pas në përplasjen e tij të fundit me presidentin amerikan Donald Trump, duke shprehur pendesë për disa nga komentet që kishte bërë më parë në rrjetet sociale.
Në një deklaratë të fundit, miliarderi i teknologjisë pranoi:
“Pendohem për disa nga postimet e mia për Trump. E teprova.”
Një nga postimet më të diskutueshme ishte pretendimi se emri i Trump ndodhej në një listë të lidhur me Jeffrey Epstein, një postim që më pas u fshi nga vetë Musk.
Ky zhvillim vjen në një periudhë tensioni të shtuar mes dy figurave të njohura, por duket se kreu i “X” (ish-Twitter) po përpiqet të ulë tonet dhe të shmangë përshkallëzimin e përplasjes publike.