Përshkallëzohen protestat, 76 të plagosur dhe qindra arrestime

Protestat studentore në Francë janë përshkallëzuar në disa qytete, me përplasje me policinë, arrestime dhe incidente. Në Lyon dhe Lille protestuesit kanë djegur kazanë mbeturinash, ndërsa policia ka përdorur gaz lotsjellës për shpërndarjen e turmave. Në Lyon janë arrestuar 14 persona.

Sipas ministrit francez të Arsimit, Edouard Geoffrey, që prej nisjes së protestave janë plagosur 76 persona, mes studentëve dhe stafit arsimor.

Protestat dhe bllokadat nisën javën e kaluar dhe u shoqëruan me një grevë të gjerë në sektorin publik. Tensionet vijnë në prag të prezantimit të buxhetit të Francës për vitin 2027, i cili pritet të përfshijë masa për uljen e shpenzimeve dhe përmirësimin e financave publike.