Plasin batutat në rrjet kundër kryeministrit, bleu një glob për të parë se ku ndodhet Groenlanda

Kryeministri i Çekisë, Andrej Babis është bërë personazhi më i komentuar në rrjetet sociale. Ai tha se ka blerë një glob për të gjetur Groenlandën, pasi Donald Trump bëri të ditura ambicient e tij për përvetësimin e territorit autonom të Danimarkës.

“E bleva për të parë saktësisht ku është Groenlanda”, tha ai, duke treguar se kishte paguar rreth 15 mijë korona çeke, afërsisht 720 dollarë, për një glob “të bukur dhe të madh”. Mjaftoi kaq dhe rrjetet sociale shpërthyen.

Nga ana tjetër, faqja çeke e krahasimit të çmimeve Heureka bëri të ditur se kërkimet për globe janë rritur me mbi 400 për qind brenda pak ditësh.