Plazhet në Florida mbushen me njerëz 30 minuta pas hapjes

Turmat e plazhistëve kanë zbarkuar në plazhet e Jacksonville, Florida, pasi brigjet u rihapën për publikun megjithë pandeminë koronavirus.

Plazhet e Jacksonville u rihapën në orën 5 të premten nën orë të kufizuara, ndërsa Florida regjistroi rritjen e saj më të lartë ditore në rastet e konfirmuara të koronavirusit.

Fotografitë tregojnë banorët entuziastë që brohorisnin teksa dilnin mbi rërë, pas disa javësh mbyllje.

Departamenti i Shëndetit në Florida tha se rastet e konfirmuara në shtet u rritën me 1421 të premten, numri më i lartë një ditor. Numri i përgjithshëm i rasteve në Florida tani është 24,753. Numri i vdekjeve ka arritur në 726, një rritje ku janë shënuar 58 viktima në 24 orët e fundit.

Plazhet e Jacksonville do të jenë të hapura çdo ditë nga ora 6 e mëngjesit deri në 11 e mëngjesit dhe nga ora 17:00 në 20:00 për ushtrime të tilla si ecje dhe not vetëm. Ndalohen banjot e diellit, karriget, peshqirët ose shtrirjet në breg, dhe rojtarëve të plazheve u kërkohet të qëndrojnë gjashtë metra larg.

Rreth orës 8 të mëngjesit të së premtes, shumë njerëz tashmë kishin dalë nga plazhi, duke iu përmbajtur shtetrrethimit.

Kryetari Lenny Curry paralajmëroi të premten:

Nëse për ndonjë arsye kthehet në vatër helmuese, ne do të vendosim mbylljen përsëri.