“Poshtë Cari!” Protesa anti Putin në një qytet lindor të Rusisë

Një protestë antiqeveritare shpërtheu në qytetin lindor të Rusisë, Khabarovsk të Shtunën.

Mijëra njerëz u mblodhën në një shesh qendror dhe disa bërtisnin: “Turp për Moskën!”, “Putin është një hajdut!” dhe “Poshtë me Carin!” duke iu referuar Presidentit Vladimir Putin.

Ata u ngritën në protestë pasi Sergei Furgal, guvernatori popullor i rajonit të tyre u arrestua të enjten dhe u dërgua në Moskë me akuzën e vrasjes.

Organi kryesor i hetimit penal në Rusi thotë se ai dyshohet për përfshirje në disa vrasje të biznesmenëve në 2004 dhe 2005 para se të fillonte karriera e tij politike.

Furgali u paraqit në gjykatë në Moskë të Premten dhe u urdhërua të qëndrojë në paraburgim për dy muaj.

Në mënyrë të pazakontë, policia nuk bëri asnjë përpjekje për të prishur tubimin e së Shtunës apo për arrestuar askënd.

“Ne e kemi zgjedhur atë dhe varet nga ne që ta gjykojmë. Ne e mbështesim atë dhe nuk e kuptojmë arsyen që u dërgua në Moskë,” – tha një protestues ndërsa marshonte.

Ndërkohë, protesta të tjera shpërthyen në qytete më të vogla në rajon.

Furgali mundi kandidatin e Presidentit Putin për guvernator në zgjedhjet dy vjet më parë.

Fitorja e tij e papritur reflektoi zhgënjimin në rritje të publikut me politikat e Putinit dhe shënoi një pengesë të dhimbshme për partinë kryesore të Kremlinit, Rusinë e Bashkuar.

Protesta ishte më e madhja në rajon për dekada.

Protests in Khabarovsk region, Far East of Russia in support of governor Sergey Furgal who was arrested earlier this week on suspicion of ordering multiple murders. Thousands of people are out on the streets of Khabarovsk, Komsomolsk on Amur, Bikin and Amursk pic.twitter.com/MkhXLED66M

— The Siberian Times (@siberian_times) July 11, 2020