Presidenti Turk Recep Tayip Erdogan duket se ka pasur një axhendë të ngjeshur ditën e sotme.
Ai ka zhvilluar dy biseda telefonike me krerët e Rusisë dhe të Francës ku kanë diskutuar mbi bashkëpunimin mes vendeve në luftën kundër COVID-19.
Fillimisht me Presidentin Putin ranë dakort për një kooperim të ngushtë për të adresuar impaktin e pandemisë në të dy vendet.
Gjithashtu ato diskutuan dhe për çështjen e Sirisë ku do të ketë mbështetje ushtarake në të dy vendet. Ato vendosën për implementimin e projekteve të përbashkëta në sektorin e energjisë nukleare, tregtisë dhe në sektorin e transportit.
Ndërsa në bisedën telefonike me Presidentin francez, Emmanuel Macron, ata diskutuan në lidhje me zhvillimet e fundit në rajon si dhe për bashkëpunim mes dy vendeve në luftën kundër pandemisë.
Ditën e sotme Turqia shënoi 119 viktima të tjera si pasojë e COVID-19 duke e çuar numrin total në 2,259.
Në 24 orët e fundit u shënuan dhe 4,611 raste të reja ku gjithsej numërohen 95,591 të infektuar.
Kujtojmë se prej mbremjes së sotme do të hyjë në fuqi shtetrrethimi prej katër ditësh i njoftuar nga Presidenti Erdogan ditën e djeshme.