Presidenti rus Putin fitoi 72.3% të votave të rusëve që jetojnë jashtë vendit

Presidenti rus Vladimir Putin ka fituar 72.3 për qind të votave në qendrat e votimit jashtë vendit në zgjedhjet presidenciale të 15-17 marsit. Shifrat i bëri të ditura sot, Komisioni Zgjedhor në vend. Rusët që jetonin jashtë vendit, përfshirë shumë që u larguan nga Rusia pas fillimit të luftës në Ukrainë, u lejuan të votonin në ambasadat dhe konsullatat e vendit. Kujtojmë se rezultatet zyrtare i dhanë Putinit një mandat të ri gjashtëvjeçar si president me 87.3% të votave totale.