Prodhonte prezervativ falso – Sekuestrohen 500.000 kuti me vlerë rreth 5.5 mln paund

Policia kineze ka shkatërruar një bandë kriminale që prodhonte prezervativ në mënyrë ilegale.

Zyrtarët arrestuan 17 anëtarë të bandës në zonat Henan, Hebei dhe provincat Zhejiang në Kinën Lindore.

Gjithashtu policia sekuestroi 500.000 kuti prezervativësh të falsifikuar me vlerë rreth 5.5 milion paund.

Nga hetimet rezultoi se për të bërë prezervativët ata përdornin gome të ricikluar.

Ekspertët e shëndetësisë thanë se prezervativët e rremë mund të çojnë në infeksion bakterial.

Autoritetet kineze thanë se ky lloj prezervativi i falsifikuar është një problem, pasi paraqiste rrezik për shëndetin publik.