Prokurori i Teksasit kërkon dënim me vdekje për autorin e masakrës së El Pasos

Autoritetet e Teksasit njoftuan sot se do të propozojnë dënimin me vdekje për autorin sulmit të armatosur të El Pasos, i cili vrau 20 persona dhe plagosi 26 të tjerë të shtunën në qendër të qytetit.

“Shteti do të propozojë kategorinë e fundit të dënimeve, do të kërkojmë dënimin me vdekje, “theksoi gjatë një konference për shtyp Prokurori i Përgjithshëm i Teksasit Jaime Esparza.

Të shtënat filluan të shtunën paradite sipas kohës lokale në Ëalmart dhe në një zonë ku ndodhet një qendër shitblerjeje e njohur si Cielo Vista Mall. Një 21 vjeçar i bardhë u arrestua aty ku sulmi u zhvillua në qytetin El Paso, afër kufirit SHBA-Meksikë.

I riu, i quajtur nga media amerikane si Patrick Crusius, jetonte në Allen, në zonën e Dallas, rreth 1,046 km në lindje të El Paso. Ai do të përballet me akuzat për krim të urrejtjes dhe vrasje me armë zjarri për të cilat parashikohet dënim me vdekje.