Mijëra persona kanë protestuar në Buenos Aires dhe qytete të tjera të Argjentinës kundër menaxhimit të pandemisë nga ana e qeverisë.
Vendi i Amerikës Latine ka vuajtur shumë nga karantina e gjatë, ndërkohë që ende sot shkollat dhe një pjesë e mirë e aktiviteteve mbeten të mbyllura.
Vendi ka kaluar 900 mijë të infektuarit në total, dje shënoi rreth 13 mijë të tillë, ndërkohë që viktimat ishin 386 në 24 orët e fundit, dhe pothuajse 25 mijë në total.
Në maj shteti deklaroi falimentimin pasi qeveria nuk arriti të pagojë 500 milionë dollarë kreditorëve të shumtë ndërkombëtarë, pjesë e vogël e rreth 60 miliardë dollarëve që përbëjnë borxhin e vendit.