Putin-Erdogan i telefonojnë njëri-tjetrit

Presidenti rus, Vladimir Putin zhvilloi një bisedë telefonike me homologun turk, Recep Tayyip Erdogan.

“Ky ka qenë kontakti i parë i drejtëpërdrejtë mes tyre prej fillimit në muajin nëntor të krizës së rëndë diplomatike mes dy shteteve”, njoftoi zëdhënësi i Kremlinit, Dmitri Peskov.

“Ata janë duke biseduar ende edhe në këto momente”, deklaroi gjithashtu Peskov në prani të medias, duke saktësuar se përmbajtja e kësaj bisede do të publikohej më vonë.

Ndërsa një zyrtar turk tha më pas për gazetarët se biseda kishte përfunduar me rezultate shumë produktive dhe pozitive.