Rikthehet frika, dy vende në rrezik nga Ebola

Autoritetet më të larta të shëndetit publik në Afrikë kanë konfirmuar një shpërthim të ri të Ebolës në Kongo. Shpërthimi i ri ka shkaktuar 65 vdekje dhe 246 raste të dyshuara.

Rastet e dyshuara të Ebolës janë regjistruar kryesisht në zonat shëndetësore Mongwalu dhe Rwampara të Iturit. Raste të dyshuara janë raportuar edhe në Bunia, kryeqytetin e provincës Ituri. Ituri ndodhet në një pjesë të largët lindore të Kongos me rrjet të dobët rrugor dhe është më shumë se 1,000 kilometra larg kryeqytetit të vendit, Kinshasa.

Vetëm katër nga vdekjet e raportuara janë raste të konfirmuara në laborator, por shpërthimi i ri u konfirmua pas shumë rasteve të dyshuara. Një shqetësim i madh është afërsia e zonave të prekura me Ugandën dhe Sudanin e Jugut. Bunia, qyteti kryesor i Iturit, është pranë kufirit me Ugandën.

Agjencia tha se ekziston gjithashtu një rrezik përhapjeje të mëtejshme për shkak të lëvizjes intensive të popullsisë, përfshirë atë që lidhet me minierat dhe krizave të sigurisë në zonat e prekura. Sulmet nga grupet e armatosura kanë vrarë dhjetëra dhe kanë zhvendosur mijëra në pjesë të provincës Ituri gjatë vitit të kaluar.