Rishfaqet Fidel Kastro

Lideri kubanez, i cili në disa raste, ka qenë i përfolur se është zhdukur apo edhe se ka vdekur është rishfaqur në publik.

Kështu, në ditën e ditëlindjes së tij, Fidel Kastro është parë i shoqëruar nga presidenti i Venezuelës, Nicolas Maduro dhe homologu i tij bolivian, Evo Morales, i cili udhëtoi posaçërisht për në Havana me rastin e kësaj dite.

 Sipas agjencisë shtetërore të lajmeve boliviane ABI, Kastro dhe Maduro u zhvendosën me anë të një furgoni në Hotelin ‘La Laguna’, ku po qëndron dhe Morales në Havanë.

“Për Bolivinë kam një dashuri dhe admirim të pashteruar “, tha Kastro.

Ndërsa Morales kishte planifikuar të vizitonte Kastron në shtëpinë e tij.

“Kam ardhur për të ndarë këto momente gëzimi, për të shoqëruar vëllain tonë të madh, Fidel Kastro, në ditëlindjen e tij. Unë e admiroj shumë atë, kam mësuar shumë prej tij,” tha Morales teksa arriti herët në mëngjes në Havanë.