Rousseff apelon vendimin për shkarkim dhe kërkon një proces të ri

Avokati i presidentes braziliane të shkarkuar, Dilma Rousseff, bëri sot apel pranë gjykatës supreme për të kërkuar një proces të ri dhe anulimin e seancës që e përjashtoi nga pushteti.

Kjo kërkesë kërkon “pezullimin e menjëhershëm të efekteve të vendimit të Senatit që dënoi për krim përgjegjësie presidenten e Republikës”.

Një maxhorancë prej më shumë se dy të tretat e senatorëve votuan të mërkurën pro shkarkimit të presidentes së majtë për fshehje të llogarive publike.

Dilma Rousseff është gruaja e parë që zgjidhet në krye të Brazilit në vitin 2010, më pas u rizgjodh në vitin 2014.