Rriten çmimet e gazit në Europë pas pezullimit të Nord Stream 1

Çmimet e gazit në Europë u rritën në 30% të hënën pasi Rusia mbylli një nga tubacionet kryesore të furnizimit me gaz në Europë për një kohë të pacaktuar, duke nxitur frikën për mungesat dhe racionimin e gazit në Bashkimin Europian gjatë këtij dimri, sipas The Guardian.

Çmimi standard i gazit u rrit deri në 272 euro për megavat (MWh). Rritja e çmimeve të këtij viti ka dëmtuar konsumatorët tashmë në vështirësi dhe ka detyruar disa industri të ndalojnë prodhimin.

Europa ka akuzuar Rusinë për mbylljen e tubacionit në shenjë hakmarrjeje për sanksionet perëndimore të vendosura ndaj Moskës për pushtimin e Ukrainës. Rusia nga ana tjetër tha se Perëndimi ka nisur një luftë ekonomike dhe sanksionet kanë penguar mirëmbajtjen e tubacionit.

Nord Stream 1, i cili kalon nën Detin Baltik për në Gjermani, furnizonte rreth një të tretën e gazit të eksportuar nga Rusia në Europë, por ai funksiononte me vetëm 20% të kapacitetit përpara se flukset të pezulloheshin javën e kaluar për mirëmbajtje, raporton abcnews.al.

Gazi rus që kalon nëpërmjet Ukrainës, një tjetër rrugë kryesore, gjithashtu është reduktuar, duke e lënë BE-në garë për të gjetur furnizime alternative për të rimbushur objektet e depozitimit të gazit gjatë dimrit.

Disa shtete kanë nisur plane emergjente që mund të çojnë në racionimin e energjisë dhe rritjen e perspektivës për një recesion.

“Furnizimi është gjithnjë e më i vështirë dhe bëhet gjithnjë e më e vështirë të zëvendësohet çdo grimcë gazi që nuk vjen nga Rusia,” tha Jacob Mandel.