Tensione Rusi-SHBA, Trump-Moskës: Bëhuni gati, raketat do vijnë te ju

Presidenti i SHBA Donald Trump ka reaguar ashpër pas deklaratës nga ambasadori i Rusisë në Liban se rusia do të rrëzojnë raketat amerikane, nëse hidhen në Siri dhe se do të hakmerret kundër çdo vendi nga i cili do te nisen raketat.

Por në një postim në twitter Trump i përgjigjet ashpër kërcënimit Rus.

Presidenti i SHBA paralajmëron Rusinë që të “bëhet gati”, pasi ushtria amerikane do të hedhë raketat.

“Rusia zotohet për të qëlluar çfarëdo dhe të gjitha raketat që godasin në Siri.

Bëhu gati Rusi, sepse ato do të vijnë, të bukura, të reja dhe “të zgjuara”!

Ju nuk duhet të jeni partnerë me kafshën që vret popullin e tij dhe gëzon për këtë!”, shkruan Trump.