Samiti i G7/ “Ndalimi i pandemisë, sfida më e madhe e epokës së pasluftës”, Johnson: Të përfundojmë vaksinimin deri në fund të vitit 2022

Përfundimi i garës së vaksinimit antiCOVID-19 në të gjitha vendet e botës deri në fund të 2022, është angazhimi që kryeministri britanik, Boris Johnson do kërkojë nga presidentët dhe kryeministrat e G7-s, të paktën një javë nga samiti që ai do të presë, nën presidencën e radhës së Britanisë së Bashkuara në Cornouailles, në jugperëndim të Anglisë.

Boris Johnson po planifikon të përdorë presidencën e Mbretërisë së Bashkuar të grupit për të nxitur mbulimin global të vaksinimit brenda 18 muajve të ardhshëm. Kur ai të takohet me udhëheqësit e tjerë të G7 të Premten – përfshirë Presidentin Joe Biden për herë të parë që nga fitorja e tij në zgjedhje – Z. Johnson do t’i thërrasë ata që “të ngrihen në sfidën më të madhe të epokës së pasluftës” për të ndaluar pandeminë e koronavirusit, e cila ka infektuar të paktën 172 milion njerëz dhe ka vrarë më shumë se 3.7 milionë në të gjithë botën.

“Objektivi është të sigurojmë që një pandemi e tmerrshme si kjo e përjetuar muajt e fundit nga njerëzimi nuk do të ndodhë më kurrë dhe në të njëjtën kohë të ofrojmë një udhëzues për rindërtimin post-COVID-19 frymëzuar nga vlerat të demokracisë”, theksoi ai.

“Vaksinimi i botës deri në fund të vitit të ardhshëm do të ishte arritja e vetme më e madhe në historinë mjekësore. Unë po u bëj thirrje shokëve të mi udhëheqës të G7 të bashkohen me ne për t’i dhënë fund kësaj pandemie të tmerrshme dhe premtimit se kurrë nuk do të lejojmë që shkatërrimi i shkaktuar nga koronavirus të ndodhë më.”