Serbët e Kosovës votojnë në Serbi

Kuvendi i Kosovës dje miratoi rezolutën që shpreh kundërshtimin që në Kosovë të mbahen votime për një referendum të shtetit të Serbisë për ndryshime kushtetuese.

E pas miratimit të kësaj rezolute nga Kuvendi i Kosovës, në Serbi u mor vendim që qytetarët serb të cilët jetojnë në Kosovë të votojnë në vendvotimet në Kurshumli, Novi Pazar, Rashkë dhe Vranjë.

Në gjithsej 45 vendvotime do të shtohen emrat e votuesve nga Kosova, të cilët do të mund të votojnë në referendumin e Serbisë për ndryshimin e Kushtetutës në fushën e drejtësisë.

Sot në Serbi do të votohet për ndryshime në Kushtetutën e këtij vendi lidhur me gjyqësorin. Siç raportojnë mediat serbe, tashmë janë hapur të gjitha vendovitmet.