Serbia: Tsipras po na tradhton, sepse do njohë Kosovën

Mediat serbe janë zemëruar me deklaratën e Ministrisë Greke të Punëve të Jashtme, e cila i bën ftesë Hashim Thaçit për të vizituar shtetin helen.

“Ministri Kocijas e ka ftuar kolegun e tij Hashim Thaçi për vizitë në Athinë dhe ka shprehur përkrahjen e Greqisë për përpjekjet e Kosovës që të anëtarësohet në organizatat ndërkombëtare, në bazë të së drejtës ndërkombëtare dhe për të mirën e stabilitetit të rajonit”, citojnë ato.

Dhe konkretisht, sipas "Blic"-it, kjo deklaratë e vërteton tezën se Athina po e përgatit terrenin për njohjen formale të Kosovës.

Analisti politik Dragomir Angjellkoviç ka thënë se Tsipras është “politikan labil kur është pyetje çdo gjë tjetër, përveç interesit të tij personal”.