SHBA: ISIS do ta mundim më shpejt se Al Kaedën

Sekretari amerikan i Shtetit, John Kerry, ka thënë se SHBA-ja mendon se ka kapacitet për të “neutralizuar” “Shtetin Islam” më shpejt se “Al Qaedan”.

“Do ta mposhtim ISIS-in. Ne gjithmonë kemi thënë se kjo do të marrë kohë”, tha John Kerry.

“Ne e kemi nisur luftën kundër ‘Al Qaedas’ më 2001 dhe na janë dashur goxha do vite para se ta eliminonim Bin Ladenin dhe udhëheqjen dhe t’i neutralizonim si forcë vepruese. Shpresojmë ta bëjmë të njëjtën me ISIS-in më shpejt dhe mendojmë se i kemi mjetet”, ka shtuar ai.