Shifrat nga Spanja dhe Italia tregojnë se izolimi funksionon, duke dhënë shpresë për shtetet e tjera

Spanja është zyrtarisht vendi me numrin më të madh të rasteve të konfirmuara në Evropë, por të dhënat sugjerojnë se shpërthimi vdekjeprurës përfundimisht mund të ngadalësohet.

Shifrat zyrtare tregojnë se numri i vdekjeve ka rënë për ditën e katërt radhazi, në 637. Ky është gjithashtu numri më i ulët në pothuajse dy javë. Shkalla e infeksionit po bie vazhdimisht – duke treguar se masat e bllokimit mund të funksionojnë.

Sidoqoftë ka ende shumë rrugë për të bërë, dhe qeveria ka sugjeruar që njerëzit mund të duhet të mbajnë maska në publik pasi të jenë hequr masat e karantinës.

Të dhënat në Itali sugjerojnë një trend të ngjashëm. Numri i të vdekurve është më i larti në botë, duke qëndruar në 15.887. Por përsëri, infeksionet dhe vdekjet e përditshme po bien, dhe numri i personave që merren me kujdes intensiv në Lombardi – rajoni i prekur më keq në Itali – po bie.

Kryeministri Giuseppe Conte megjithatë ka thënë se nuk është i sigurt se kur do të hiqen kufizimet e bllokimit.