Shpallet qeveria e re e talebanëve, lideri suprem jep urdhrin e parë: Të ruhet ligji i sheriatit

Talebanët shpallën një ditë më parë qeverinë e re në Afganistan.

Ajo do të udhëhiqet nga një prej themeluesve të tyre dhe një nga militantët më të kërkuar nga FBI. Në një prononcim për gazetarët, kryeministri i ri i vendit islamik, Mullah Mohammad Hassan Akhund, tha se qeveria e re do të punojë për ruajtjen e ligjit të sheriatit.

“Unë i siguroj të gjithë bashkatdhetarët se figurat do të punojnë shumë drejt respektimit të rregullave islame dhe ligjit të sheriatit në vend,” tha Akhundzada.

Ai u tha afganëve se udhëheqja e re do të siguronte paqe të qëndrueshme, prosperitet dhe zhvillim, duke shtuar se njerëzit nuk duhet të përpiqen të largohen nga vendi.

“Të gjithë do të marrin pjesë në forcimin e sistemit dhe Afganistanit dhe në këtë mënyrë, ne do të rindërtojmë vendin tonë të shkatërruar nga lufta”, përfundoi Akhund.