Shpërndarja për vendet e BE-së, kamionët lënë vaksinën Pfizer në Belgjikë

Ka nisur zyrtarisht shpërndarja e vaksinës ndaj Covid-19, në të gjitha vendet anëtare të BE-së. Mëngjesin e së enjtes u larguan disa kamionë me dozat e para nga selia e Pfizer në Belgjikë.

E diela është përcaktuar si dita e nisjes së imunizimeve masive në të 27 vendet anëtare të BE-së. Fillimisht do të vaksinohen anëtarë të personelit shëndetësor dhe të moshuarit.

Shpërndarja e dozave, sipas asaj që ka vendosur Komisioni Europian, do të bëhet në përputhje me numrin e banorëve që ka secili shtet.

”Pas pak ditësh, europianët e parë do të vaksinohen”, tha presidentja Ursulu von der Leyen, e cila nënvizoi se së bashku do ta kalojmë këtë pandemi.